Swyddog Ymgysylltu a Chymorth yr Awdurdod Safonau Cwynion

Mae Ombwdsmon Gwasanaethau Cyhoeddus Cymru am recriwtio Swyddog Ymgysylltu a Chymorth ar gyfer yr Awdurdod Safonau Cwynion.  Gan weithio o fewn Awdurdod Safonau Cwynion Cymru (ASC), mae’r swydd hon yn allweddol ar gyfer ymgysylltu â chyrff cyhoeddus a’u cefnogi i ymdrin â chwynion yn effeithiol trwy gefnogi hyfforddiant a darparu cyngor.  Mae’r rôl hefyd yn cefnogi’r Rheolwr Safonau Cwynion a Gwella wrth hyrwyddo rôl yr Awdurdod Safonau Cwynion i gyrff cyhoeddus, wrth reoli perthnasoedd â’r cyrff cyhoeddus hynny a ddaw o dan y safonau ar hyn o bryd ac yn y dyfodol, ac wrth brosesu gwybodaeth ganddynt.

Yn y rôl byddwch yn:

• Ymgysylltu â chyrff cyhoeddus i’w cefnogi i sicrhau cydymffurfiaeth â gweithdrefn enghreifftiol yr Awdurdod Safonau Cwynion ac i weithredu’n effeithiol o dan y safonau a’r egwyddorion.
• Hwyluso a rhoi hyfforddiant, dylunio, creu, adolygu ac addasu deunydd/cynnwys yn ôl yr angen, yn seiliedig ar Ganllawiau’r Awdurdod Safonau Cwynion ar Ymdrin â Chwynion, gan ddefnyddio fformatau priodol ar gyfer cynulleidfaoedd amrywiol.
• Gweinyddu’r gwaith o gasglu data cwynion gan gyrff cyhoeddus ac adolygu’r data a gyflwynir. Archwilio’r data a gesglir ac ymgysylltu yn ôl yr angen. Pan fydd ymholiadau’n codi, cynorthwyo gyda rhoi’r wybodaeth ddiweddaraf i gyrff a/neu ddarparu’r diweddariadau iddynt am eu perfformiad, gan gynnwys argymell gwelliannau ac asesu unrhyw anghenion hyfforddi a nodir.
• Paratoi a chynnal adnoddau gwybodaeth yr Awdurdod Safonau Cwynion i gefnogi cyrff cyhoeddus.
• Cynorthwyo gyda chreu a datblygu rhwydweithiau ymdrin â chwynion.
• Ymgysylltu â chyrff cyhoeddus i archwilio unrhyw bryderon ynghylch ymdrin â chwynion y gellir eu datrys trwy hyfforddiant neu gefnogaeth.

(Gweler y Swydd Ddisgrifiad am restr lawn o ddyletswyddau)

Yr hyn rydym yn chwilio amdano:

• Profiad o greu, addasu a chyflwyno deunyddiau hyfforddi neu gyflwyniadau drwy fformatau amrywiol, i’w cyflwyno wyneb yn wyneb a thrwy lwyfannau ar-lein.
• Sgiliau rhyngbersonol, cyfathrebu a chyflwyno rhagorol.
• Sgiliau gweinyddol a threfnu rhagorol, gyda sylw i fanylion.
• Cyfforddus wrth ddefnyddio offer digidol ar gyfer cyflwyno hyfforddiant, rheoli data a chyfathrebu.
• Disgresiwn llwyr a dealltwriaeth o’r angen am gyfrinachedd.
• Trwydded yrru lawn a mynediad i gerbyd, wedi’i yswirio er defnydd busnes.

(Gweler y Manyleb Person am restr lawn o’r gofynion hanfodol)

Sut mae hyn o fudd i chi?

• Cyfle i wneud gwahaniaeth gwirioneddol i’r broses o ymdrin â chwynion yng Nghymru.
• Cyflog cystadleuol a lwfans gwyliau blynyddol hael o 32 diwrnod.
• Buddion eraill gan gynnwys: Cynllun Pensiwn y Gwasanaeth Sifil, Cynllun Amser hyblyg, Aelodaeth gampfa am bris ostyngol, Health Cash Plan a Chynlluniau Prynu am Bris Gostyngol.
• Gweithio hybrid gyda cyfleusterau ar y safle ardderchog, gan gynnwys parcio ar y safle rhad ac am ddim ac offer ar gyfer gweithio o gartref.
• Awr er llesiant ar gyfer gweithgaredd o’ch dewis bob mis.
• Gwiriad iechyd blynyddol.
• Cwnsela allanol rhad ac am ddim a chefnogaeth iechyd galwedigaeth.

Sut i ymgeisio:

Darllenwch y Pecyn Recriwtio.

Cyflwynwch eich Ffurflen Gais a Ffurflen Monitro Cyfleoedd Cyfartal drwy e-bost at: recriwtio@ombwdsmon.cymru Y dyddiad cau ar gyfer ceisiadau yw:

5 yh dydd Iau 5 Chwefror 2026.  Rydym yn cadw’r hawl i gau’r swydd wag hon yn gynnar os daw digon o geisiadau i law.  Bydd yr ymatebion a roddwch yn y ffurflen gais yn cael eu defnyddio i lunio rhestr fer.

Mae’r Ombwdsmon Gwasanaethau Cyhoeddus Cymru yn Gyflogwr Cyfle Cyfartal.

Mae amrywiaeth a chynhwysiant yn ganolog i bopeth a wnawn.  Rydym wedi ymrwymo yn ddiwyd i hyrwyddo a chymryd rhan mewn arfer da yn y ffordd yr ydym yn denu, recriwtio a chadw staff.

Caiff pawb eu hannog i ddod â’u hunan yn gyfan i’r gwaith oherwydd rydym yn gwerthfawrogi’r gwerth y mae gweithlu sy’n wirioneddol amrywiol yn ei roi i sefydliad. Rydym yn dathlu gwahaniaeth, gan gydnabod y buddion a ddaw yn sgil hyn i’n diwylliant cynhwysol, gan gynnwys oedran, anabledd, hunaniaeth rhywedd, crefydd, hil, rhyw, cyfeiriadedd rhywiol a chefndir economaidd-gymdeithasol.