SWYDDOG YMCHWILIO GRADDEDIG DAN HYFFORDDIANT (1 Cymraeg, 1 Saesneg)

SWYDDOG YMCHWILIO GRADDEDIG DAN HYFFORDDIANT

Ydych chi wedi graddio’n ddiweddar yn y Gyfraith, Gweinyddiaeth Gyhoeddus neu faes pwnc tebyg, neu a ydych chi wedi cwblhau eich astudiaethau eleni? Os mai “ydw” yw eich ateb i’r cwestiynau hyn a bod gennych ddiddordeb mewn gwasanaethau cyhoeddus yng Nghymru a sicrhau, pan fydd gwasanaethau’n methu, bod modd troi at system gwyno annibynnol, fe allai’r swydd hon fod yn addas i chi.

Mae Ombwdsmon Gwasanaethau Cyhoeddus Cymru yn awyddus i recriwtio dau Swyddog Ymchwilio Greddedig dan Hyfforddiant i ymgymryd â rhaglen ddatblygu bwrpasol dros pedair blynedd sy’n arwain at fod yn Swyddog Ymchwilio.

Mae Swyddogion Ymchwilio yn ymchwilio i gwynion oddi wrth aelodau’r cyhoedd am driniaeth annheg neu wasanaeth gwael oherwydd diffyg o ryw fath ar ran cyrff cyhoeddus datganoledig yng Nghymru.  Bydd yr Ombwdsmon hefyd yn ymchwilio i gwynion bod Cynghorwyr mewn awdurdodau lleol yng Nghymru o bosib wedi torri Cod Ymddygiad statudol eu cyngor.  Fel Swyddog Ymchwilio, byddwch yn canolbwyntio ar yr achosion mwyaf difrifol ac yn rheoli llwyth achosion sy’n amrywio o ran cymhlethdod, ar draws nifer o feysydd, gan ddarparu profiad da i gwsmeriaid. Byddwch yn:

• Dadansoddi gwybodaeth fanwl er mwyn cyrraedd a deall craidd y gŵyn
• Canfod a chael tystiolaeth yn brydlon
• Gwneud penderfyniadau ar sail tystiolaeth, a chyflwyno’r penderfyniadau hyn mewn adroddiadau ysgrifenedig grymus
• Ymgysylltu’n effeithiol â’r achwynydd drwy gydol yr ymchwiliad
• Datrys achosion drwy ymgysylltu’n adeiladol
• Gweithio’n annibynnol a defnyddio awdurdod dirprwyedig i wneud penderfyniadau ar ran yr Ombwdsmon

Mae disgrifiad llawn a gwybodaeth ychwanegol ar gael ar y dudalen “Ymunwch â Ni” ar ein gwefan.

Am beth rydym ni’n chwilio

• Rhywun sydd wedi graddio’n ddiweddar neu a fydd yn graddio eleni yn y Gyfraith, Gweinyddiaeth Gyhoeddus neu faes pwnc tebyg
• Sgiliau cyfathrebu rhagorol, ar lafar ac ar bapur
• Gallu a chymhelliant i gwblhau rhaglen ddatblygu dros pedair blynedd
• Rhywun sydd ag awydd i ddatblygu i fod yn Swyddog Ymchwilio
• Ar gyfer y rôl yn y Gymraeg, y gallu i wneud gwaith yn y Gymraeg (ysgrifenedig/llafar)

Beth yw’r manteision i chi

• Cyfle i ddatblygu sgiliau Swyddog Ymchwilio gyda swydd sicr fel Swyddog Ymchwilio ar ddiwedd y rhaglen pedair blynedd
• Rhaglen hyfforddi strwythuredig i ymestyn eich sgiliau a’ch galluoedd
• Cyfle i weithio gyda thîm gwych i wneud gwahaniaeth go iawn, gan ddarparu cyfiawnder ac arwain at welliannau
• Amrywiaeth o waith
• Cyflog cystadleuol sy’n cynyddu
• Lwfans gwyliau blynyddol o 32 o ddiwrnodau a gwyliau banc ar ben hynny
• Mae’r manteision eraill yn cynnwys; Pensiwn y Gwasanaeth Sifil, cynllun oriau hyblyg, aelodaeth ratach o gampfa, cynlluniau prynu am bris gostyngol
• Cyfleusterau rhagorol ar y safle pan fyddwch yn gweithio ar y safle, a chyfarpar ar gyfer gweithio gartref

I wneud cais

Darllenwch y Pecyn Recriwtio a’r Disgrifiad Swydd. Ewch i’n gwefan (www.ombudsman.cymru) i gael mynediad at y pecyn recriwtio, a nodwch mai llenwi ein cais ni yw’r unig ffordd o wneud cais am y cyfle hwn.

Cyflwynwch eich Ffurflen Gais a’ch Ffurflen Monitro Cyfle Cyfartal drwy anfon ebost at: recruitment@ombudsman.wales erbyn 12yh 29 Gorffennaf 2026.  Cofiwch fod gennym yr hawl i gau’r cyfle hwn yn gynnar os daw digon o geisiadau i law. 

Bydd yr ymatebion a roddwch yn y ffurflen gais yn cael eu defnyddio i lunio’r rhestr fer ar gyfer y swydd.

Mae’r Ombwdsmon Gwasanaethau Cyhoeddus yn Gyflogwr Cyfle Cyfartal.

Mae amrywiaeth a chynhwysiant yn ganolog i bopeth a wnawn. Rydym wedi ymrwymo’n weithredol i hyrwyddo a chymryd rhan mewn arferion da yn y ffordd rydym yn denu, yn recriwtio ac yn cadw staff.

Rydym yn annog pawb i ddod â nhw eu hunain yn llwyr i’r gwaith oherwydd ein bod yn gwerthfawrogi’r gwerth y mae gweithlu gwirioneddol amrywiol yn ei roi i sefydliad. Rydym yn dathlu gwahaniaeth, gan gydnabod y manteision a ddaw yn sgil hyn i’n diwylliant cynhwysol, gan gynnwys oed, anabledd, hunaniaeth o ran rhywedd a mynegiant, crefydd, hil, rhyw, cyfeiriadedd rhywiol a chefndir economaidd-gymdeithasol.