Cwynodd Miss X nad oedd y Gymdeithas wedi gwneud y gwaith atgyweirio angenrheidiol i’w heiddo ac nad oedd wedi ymateb yn brydlon i’w chŵyn.
Roedd yr Ombwdsmon yn poeni am yr oedi sylweddol yr oedd Miss X wedi’i wynebu o ran cael gwaith atgyweirio wedi’i wneud, yr oedi cyn cael ymateb a bod gweithredoedd y sefydliad wedi achosi anhwylustod iddi.
Dywedodd y Gymdeithas nad oedd yn gynaliadwy iddi wneud y gwaith atgyweirio angenrheidiol a’i bod bellach wedi cynnig eiddo arall i Miss X, gyda’r Gymdeithas yn talu’r costau symud. Penderfynodd yr Ombwdsmon setlo’r gŵyn heb ymchwiliad a hefyd ceisiodd a chafodd gytundeb y Gymdeithas i wneud y canlynol o fewn 2 wythnos:
· Rhoi ymddiheuriad ffurfiol i Miss X am yr oedi wrth ymateb i’w chwynion
· Rhoi esboniad i Miss X am yr oedi
· Rhoi ymateb ffurfiol i’w chŵyn i Miss X
· Cynnig iawndal o £250 i Miss X i gydnabod yr amser a’r drafferth a achoswyd iddi wrth iddi orfod cwyno i’r Ombwdsmon am y methiannau a nodwyd
· Ymrwymo i adolygu hanes cwyn Miss X er mwyn sicrhau bod gwersi’n cael eu dysgu, a bod staff yn cael eu hyfforddi i atal hyn rhag digwydd eto yn y dyfodol