Er bod y Cyngor wedi cymryd dros 18 mis i gwblhau gwaith yn ei chartref, Cwynodd Ms X fod gwaith atgyweirio yn dal i fod heb ei wneud. Dywedodd ei bod wedi cwyno’n ffurfiol wrth y Cyngor ond nad oedd wedi cael ymateb ysgrifenedig o gwbl.
Wrth ystyried y gŵyn, roedd yr Ombwdsmon yn bryderus fod dal gwaith atgyweirio i’w wneud ar ôl cyfnod mor hir ac nad oedd Ms X wedi cael ymateb i’w chŵyn. Yn lle ymchwiliad, gofynnwyd i’r Cyngor wneud y canlynol er mwyn setlo’r gŵyn:
a) Ymddiheuro i Ms X am yr oedi wrth ymateb i’w chŵyn ac wrth gwblhau’r gwaith.
b) Cyflwyno ymateb ffurfiol i gŵyn Ms X
c) Rhoi iawndal o £100 i Ms X am yr amser a’r drafferth wrth fynd ar drywydd y materion hyn ac am yr anhwylustod cyffredinol
d) Rhaid i’r Cyngor gynnal arolygiad o fewn mis i ganfod yn union beth sydd ar ôl i’w wneud yn awr ac yna gosod rhaglen waith yn nodi pa bryd y bydd pob eitem yn cael ei chwblhau
e) Dylai’r holl waith gael ei gwblhau mewn 3 mis ar ôl yr arolygiad.