Cwynodd Ms A, oedd yn denant gyda Chymdeithas Dai Hafod (“y Gymdeithas”) am yr oedi gyda gwneud gwaith trwsio yn ei chartref a oedd, meddai, yn effeithio ar ei hiechyd a’i lles. O ganlyniad roedd wedi gwneud cais i gael ei symud er y byddai’n well ganddi aros yn yr eiddo dan sylw. Dywedodd Ms A fod ganddi hefyd angen meddygol yn gofyn gosod toiled lawr grisiau, ond ni chlywodd ddim am hyn ychwaith.
Gan nodi rhai cyfyngiadau o ran beth y gallai’r Ombwdsmon ei gyflawni, oherwydd nad oedd ganddo unrhyw rôl mewn penderfynu pa gartrefi a gynigir na phryd y gallai rhywun gael ei symud, roedd er hynny’n bryderus am yr oedi gyda chwblhau’r gwaith trwsio (o arolwg a wnaed ar 21 Awst 2021). Ar ôl cysylltu â’r Gymdeithas, roedd yr Ombwdsmon yn fodlon bod y cais i symud wedi cael ei gofrestru a’i asesu’n iawn a bod Ms A ar y rhestr weithredol briodol. Fel opsiwn yn lle ymchwiliad, teimlai’r Ombwdsmon y gallai’r mater gael ei ddatrys pe bai’r Gymdeithas yn cymryd y camau canlynol, a chytunodd y Gymdeithas i hynny:
(a) Ymddiheuro’n ysgrifenedig am yr oed gyda chwblhau’r gwaith trwsio anorffen (o fewn un mis).
(b) Cynnig iawndal o £100 i Ms A am ei hamser a’i thrafferth yn codi’r materion hyn gyda’r Gymdeithas a’r Ombwdsmon (o fewn un mis).
(c) Cwblhau’r holl waith (gan gynnwys y gwaith wedi’i adnabod gan yr arolwg a wnaed ar 23 Awst 2021), o fewn chwech wythnos.
(d) Prosesu cais i wasanaethau Therapi Galwedigaethol (OT) yr awdurdod lleol am asesiad o’r angen, ac i osod, toiled lawr grisiau yn yr eiddo o fewn un mis.
(e) Ystyried yr adroddiad OT a rhoi gwybod i Ms A am benderfyniad y Gymdeithas am osod toiled lawr grisiau o fewn un mis i dderbyn yr adroddiad OT.