Mae’r daflen ffeithiau hon yn rhoi sylw i gwynion yn ymwneud ag Arolygiaeth Gofal Iechyd Cymru (AGIC). Dylid ei darllen ochr yn ochr â’n tudalen we ‘Sut i Gwyno’, sydd ar gael o dan y tab ‘Gwneud Cwyn’.
Mae Arolygiaeth Gofal Iechyd Cymru (AGIC) yn arolygu ac yn rheoleiddio’r holl ofal iechyd yng Nghymru. Mae AGIC yn adolygu ac yn arolygu sefydliadau gofal iechyd y GIG ac annibynnol yng Nghymru er mwyn rhoi sicrwydd fod y gwasanaethau’n ddiogel ac o ansawdd da. Os credwch chi nad yw AGIC wedi dilyn y gyfraith, rheoliadau neu ganllawiau, mae’n bosib y byddwn yn gallu eich helpu gyda’ch cwyn.
Dyma brif gyfrifoldebau AGIC:
Gallwn:
Ni allwn:
Nid yw swyddogaeth AGIC yn cynnwys delio â chwynion gan gleifion am y driniaeth a gawsant gan y GIG. Gellir delio â materion o’r fath dan drefn gwyno’r GIG. Fodd bynnag, efallai y bydd AGIC yn ymateb i unrhyw wybodaeth a allai awgrymu methiannau systematig yng ngwasanaethau’r GIG. Yn yr un modd, nid swyddogaeth AGIC yw delio â chwynion gan gleifion am driniaeth a gawsant gan ddarparwyr gofal iechyd annibynnol. Fodd bynnag, bydd AGIC yn ystyried cwynion a phryderon gan gleifion a gweithwyr proffesiynol fod darparwyr annibynnol o bosib wedi torri’r rheoliadau perthnasol.
Lle nad yw darparwyr gwasanaethau neu bobl sydd wedi cofrestru ag AGIC yn fodlon ag unrhyw gamau cofrestru neu orfodi y mae AGIC wedi’u cymryd, dylid delio â’r cwynion hyn drwy’r llwybrau a ddarparwyd yn benodol at y diben hwn.
Ceir gwybodaeth bellach am AGIC, yn cynnwys ei threfn gwyno, ar ei gwefan: http://www.hiw.org.uk.
Rydym yn annibynnol ac yn ddiduedd; ni allwn orchymyn cyrff cyhoeddus i weithredu ar ein hargymhellion – ond yn ymarferol, maent yn gwneud hynny’n ddieithriad bron.
Mae enghreifftiau o achosion yr ydym wedi edrych arnynt ar gael ar ein gwefan, o dan y tab ‘Cyhoeddiadau’ ar y dudalen ‘Ein Canfyddiadau’.
Os ydych yn ansicr a fyddwn yn gallu edrych i mewn i’ch cwyn, cysylltwch â ni, drwy ffonio 0300 790 0203 neu ebostio holwch@ombwdsmon.cymru