Cwynodd Mr C am y gofal a’r driniaeth a gafodd ei ddiweddar dad, Mr A, gan y Bwrdd Iechyd. Yn benodol, bu’r ymchwiliad yn ystyried a oedd y Bwrdd Iechyd wedi gwneud diagnosis amserol o glun Mr A, a oedd wedi’i thorri, pan gafodd ei dderbyn i Ysbyty Brenhinol Gwent ar 7 Tachwedd 2022.
Canfu’r ymchwiliad fod cwynion Mr A o boen yn ei droed a’i ben-glin de wedi’u hymchwilio mewn modd amserol ar ôl iddo gael ei dderbyn. Fodd bynnag, gan ei fod yn parhau i gael anhawster i symudedd a’r cyfeiriad, gan ffisiotherapydd, y gallai poen Mr A fod yn dod o’r glun, y byddai wedi bod yn ddoeth pe bai’r Ysbyty wedi trefnu archwiliad pelydr-x ar ei glun yn gynharach ar ôl ei dderbyn. Nid oes modd dweud yn bendant a fyddai pelydr-x cynharach ar ei glun wedi dangos unrhyw doriad. Fodd bynnag, roedd diffyg pelydr-x cynharach yn cyfrif fel anghyfiawnder i Mr C, gan y bydd yr amheuon yn parhau a fyddai hynny wedi arbed rhywfaint o boen a thrallod i Mr A. I’r graddau cyfyngedig hynny, cadarnhaodd yr Ombwdsmon y gŵyn.
Derbyniodd y Bwrdd Iechyd argymhellion yr Ombwdsmon a chytunodd i ymddiheuro i Mr C a’i deulu, ac i atgoffa staff o bwysigrwydd cynnal archwiliadau pelydr-x ar gluniau cleifion hŷn sydd wedi profi newid sydyn yn statws eu symudedd, nad yw’n gwella â therapi.