Cwynodd Mrs R fod Bwrdd Iechyd Prifysgol Betsi Cadwaladr wedi rhoi’r gorau i ymateb i’w phryderon ym mis Gorffennaf 2023 ac wedi methu ag ymateb i elfennau o’i chŵyn ynghylch y gofal a’r driniaeth a ddarparwyd i’w diweddar dad ac ymddygiad meddyg.
Canfu’r Ombwdsmon fod y Bwrdd Iechyd wedi methu ag ymdrin yn briodol â phryderon Mrs R ac ymateb i’w chŵyn yn llawn. Achosodd hyn rwystredigaeth ac ansicrwydd i Mrs R. Penderfynodd yr Ombwdsmon setlo’r gŵyn heb ymchwiliad.
Ceisiodd a chafodd yr Ombwdsmon gytundeb y Bwrdd Iechyd i ymddiheuro ar ran ymddygiad y meddyg, darparu ymateb llawn i’r gŵyn, a chynnig taliad o £100 i gydnabod ei hamser a’i thrafferth wrth fynd ar drywydd y gŵyn.