Fe wnaethom ymchwilio i gŵyn gan Mr A am Bractis Meddygon Teulu yn ardal Bwrdd Iechyd Prifysgol Aneurin Bevan (“y Practis”), a honnai nad oedd dau atgyfeiriad diogelu a wnaed gan y Practis i’r Gwasanaethau Cymdeithasol yn briodol.
Canfu’r ymchwiliad fod y ddau atgyfeiriad yn briodol ac ni chafodd y gŵyn ei chadarnhau. Roedd y penderfyniad i wneud yr atgyfeiriad cyntaf yn briodol. Er nad oedd cyhuddiad newydd sylweddol wedi’i gynnwys yn yr ail atgyfeiriad, mae’r canllawiau diogelu’n egluro na ddylai hyn atal gweithiwr proffesiynol rhag gwneud atgyfeiriad pellach os bydd y pryderon yn parhau.