Cwynodd Mrs X am oedi Cyngor Sir Ceredigion o fis Tachwedd 2023, gan gynnwys ar ôl gwrandawiad Tribiwnlys Addysg Cymru (ETW) ym mis Rhagfyr 2024, wrth weithredu pecyn Addysg Heblaw yn yr Ysgol (EOTAS) a Chynllun Datblygu Unigol (CDU) ei merch a’r effaith a gafodd hyn ar ei theulu hi a theulu Mrs X. Roedd Mrs X hefyd yn anfodlon â chyfathrebu’r Cyngor o fis Tachwedd 2023, a gofynnodd a oedd wedi bod yn amserol ac yn briodol bob amser.
Ar ôl i’r Ombwdsmon ddechrau ei ymchwiliad, derbyniodd y Cyngor y gellid bod wedi ymdrin â materion yn well a symud ymlaen yn gyflymach. Mewn ymateb i hyn, awgrymodd y Cyngor setliad i ddatrys cwyn Mrs X. Dywedodd y Cyngor y byddai’n ymgymryd â’r canlynol:
• Trefnu cyfarfod i drafod pryderon a phrofiadau Mrs X ac ystyried costau ad-dalu cynllun mentora
• Cynnig ymddiheuriad diamheuol i Mrs X a’i theulu ac ystum ariannol ewyllys da o £500 am amser a thrafferth
• Creu cynllun gweithredu i amlygu gwersi a ddysgwyd a rhoi’r wybodaeth ddiweddaraf i Mrs X am y cynnydd.
Roedd yr Ombwdsmon yn fodlon bod y camau gweithredu y cytunwyd arnynt yn gymesur ac y byddent yn cyflawni canlyniad priodol i Mrs X. Yn dilyn hyn, ar y sail hon, caewyd y gŵyn.
