Cwynodd Miss A am archwiliad a gynhaliwyd gan Gyngor Sir Powys i asesu cyflwr ei chartref gan ddefnyddio’r System Graddio Iechyd a Diogelwch Tai (“HHSRS” – offeryn asesu sy’n seiliedig ar risg a ddefnyddir i nodi a mynd i’r afael â pheryglon posibl mewn eiddo preswyl a allai effeithio ar iechyd a diogelwch preswylwyr). Dywedodd nad oedd y gweithdrefnau cywir wedi’u dilyn ar gyfer sgorio peryglon, ac nad oedd gwaith adferol wedi’i gwblhau na’i wirio.
Canfu’r Ombwdsmon fod y Cyngor wedi cadarnhau pryderon Miss A yn rhannol ynghylch cywirdeb, cyflawnrwydd a sail dystiolaethol canfyddiadau’r asesiad HHSRS, ond nad oedd archwiliad pellach o’i chartref wedi’i gynnal. Ymddangosai, ar adeg ymchwiliad y Cyngor, nad oedd gwaith adferol wedi’i gwblhau, a oedd yn cynnwys perygl Categori 1 posibl. Dywedodd fod hyn wedi achosi ansicrwydd a rhwystredigaeth i Miss A a phenderfynodd setlo’r gŵyn heb ymchwiliad.
Ceisiodd a chafodd yr Ombwdsmon gytundeb y Cyngor i, o fewn 6 wythnos, ymddiheuro i Miss A am y diffygion a nodwyd gan ymchwiliad Cam 2, cynnal asesiad HHSRS llawn o’i chartref a rhannu canfyddiadau’r asesiad gyda hi.