Cwynodd Ms A fod Cyngor Caerdydd wedi methu ag ymateb i’r gŵyn a gyflwynodd ynghylch gwaith atgyweirio sydd heb ei gwblhau yn ei chartref.
Canfu’r Ombwdsmon nad oedd y Cyngor wedi darparu ymateb terfynol i’r gŵyn a bod rhai atgyweiriadau heb eu gwneud.
Dywedodd yr Ombwdsmon fod hyn wedi achosi ansicrwydd a rhwystredigaeth i Ms A. Penderfynodd yr Ombwdsmon setlo’r gŵyn heb ymchwiliad.
Ceisiodd a chafodd yr Ombwdsmon gytundeb y Cyngor i ysgrifennu at yr achwynydd, o fewn pythefnos, i gadarnhau’r dyddiad y bydd y gwaith atgyweirio’n cael ei wneud. Yn ogystal â hyn, cytunodd y Cyngor hefyd, o fewn 6 wythnos, i ddarparu ymateb terfynol i’r gŵyn a fydd yn cynnwys ymddiheuriad ac esboniad am yr oedi cyn cwblhau’r gwaith atgyweirio.