Cwynodd Mr A nad oedd Bwrdd Iechyd Prifysgol Hywel Dda wedi ymateb i’r gŵyn a gyflwynodd ynghylch apwyntiad nad oedd wedi cael gwybod amdano.
Canfu’r Ombwdsmon, er bod y Bwrdd Iechyd wedi ymateb fel ymholiad, y gallai fod wedi darparu mwy o wybodaeth i Mr A. Dywedodd yr Ombwdsmon fod hyn wedi achosi ansicrwydd a rhwystredigaeth i Mr A a phenderfynodd setlo’r gŵyn heb ymchwiliad.
Ceisiodd a chafodd yr Ombwdsmon gytundeb y Bwrdd Iechyd i ddarparu ymateb llawn i’r gŵyn o fewn 4 wythnos, ymddiheuro am yr oedi ac am beidio â chynnwys yr holl wybodaeth ac egluro pam y digwyddodd hyn.