Cwynodd Mrs A nad oedd Bwrdd Iechyd Prifysgol Betsi Cadwaladr wedi rhoi gwybod iddi ei bod wedi cael ei thynnu oddi ar y rhestr aros am lawdriniaeth i gael pen-glin cyfan newydd.
Canfu’r Ombwdsmon, er bod y Bwrdd Iechyd wedi anfon llythyr at Feddyg Teulu Mrs A, nad oedd wedi rhoi gwybod iddi am y penderfyniad a’r rhesymau pam, yn unol â’r canllawiau ar gyfer Rheoli Amseroedd Aros Rhwng Atgyfeirio a Thriniaeth. Penderfynodd yr Ombwdsmon setlo’r gŵyn heb ymchwiliad.
Ceisiodd a chafodd yr Ombwdsmon gytundeb y Bwrdd Iechyd i gyhoeddi ymddiheuriad ysgrifenedig, o fewn 6 wythnos, ac i roi Mrs A yn ôl ar y rhestr aros yn yr un lle pe na bai wedi cael ei thynnu oddi arni.