Math o Gontract: | Parhaol |
Patrwm Gwaith: | Llawn amser |
Oriau Gwaith: | 37 awr yr wythnos |
Cyflog: | £37,338 – £48,474 y flwyddyn |
Lleoliad: | Gweithio hybrid neu o bell |
Math o Swyddogaeth: | Ymchwiliadau |
A ydych chi’n teimlo’n angerddol am wasanaethau cyhoeddus yng Nghymru a sicrhau, pan fydd gwasanaethau’n methu, y gellir troi at rywun am gymorth drwy system gwyno annibynnol? Oes gennych chi brofiad o ymchwiliadau i gwynion cymhleth neu ymchwiliadau safonau moesegol a/neu reoleiddiol?
Mae’r Ombwdsmon Gwasanaethau Cyhoeddus yn dymuno recriwtio Swyddogion Ymchwilio yn ymchwilio i gwynion oddi wrth aelodau’r cyhoedd am driniaeth annheg neu wasanaeth gwael oherwydd diffyg o ryw fath ar ran cyrff cyhoeddus datganoledig yng Nghymru. Bydd yr Ombwdsmon hefyd yn ymchwilio i gwynion a wneir am Gynghorwyr mewn awdurdodau lleol yng Nghymru a allai, o bosib, fod wedi torri Cod Ymddygiad statudol eu cyngor.
Fel Swyddog Ymchwilio, byddwch yn canolbwyntio ar yr achosion mwyaf difrifol ac yn rheoli llwyth achosion sy’n amrywio o ran cymhlethdod, ar draws nifer o feysydd. Gan ddarparu profiad da i gwsmeriaid drwy gydol y broses, byddwch yn:
- Dadansoddi gwybodaeth fanwl er mwyn cyrraedd a deall craidd y gŵyn
- Canfod a chael tystiolaeth yn brydlon
- Gwneud penderfyniadau ar sail tystiolaeth, a chyflwyno’r penderfyniadau hyn mewn adroddiadau ysgrifenedig grymus
- Ymgysylltu’n effeithiol â’r achwynydd drwy gydol yr ymchwiliad
- Datrys achosion drwy ymgysylltu’n adeiladol
Mae disgrifiad swydd llawn a gwybodaeth ychwanegol ar ein gwefan.
Am beth rydyn ni’n chwilio?
- Profiad sylweddol, ymarferol a chymharol o gynnal ymchwiliadau manwl, gan arwain at ganlyniadau cymesur
- Profiad o ymchwiliadau i gwynion cymhleth neu ymchwiliadau safonau moesegol a/neu reoleiddiol
- Sgiliau cyfathrebu ysgrifenedig rhagorol gyda phrofiad sylweddol o ddrafftio dogfennau cymhleth sy’n cyfleu dadansoddiad manwl mewn ffordd syml
- Sgiliau cyfathrebu rhagorol ar lafar a’r gallu i gwrdd â rhanddeiliaid wyneb yn wyneb, o bell neu dros y ffôn
- Sgiliau rheoli achosion effeithiol a’r gallu i flaenoriaethu gofynion sy’n cystadlu â’i gilydd
- Gallu diamheuol i weithio’n dda yn annibynnol ac fel aelod o dîm
I wneud cais am y rôl hon, bydd angen i chi ddangos tystiolaeth o’ch profiad a’ch arbenigedd wrth gynnal ymchwiliadau cymhleth mewn gwasanaethau proffesiynol/y sector cyhoeddus neu ymchwiliadau safonau rheoleiddiol a/neu foesegol. Byddai’r gallu i gyfathrebu drwy gyfrwng y Gymraeg yn ddymunol ar gyfer y swydd hon. .
Beth yw’r manteision i chi?
- Cyfle i wneud gwahaniaeth go iawn, gan ddarparu cyfiawnder ac arwain at welliannau
- Amrywiaeth o waith achos – does dim un achos yr un fath
- Cyflog cystadleuol a lwfans gwyliau blynyddol hael o 32 diwrnod.
- Mae’r manteision eraill yn cynnwys: Pensiwn y Gwasanaeth Sifil, Cynllun Oriau Hyblyg, Aelodaeth o Gampfa, Cynllun Arian Iechyd a Chynlluniau Prynu Rhatach.
- Cyfleusterau rhagorol ar y safle ac offer ar gyfer gweithio gartref.
- Cwnsela allanol a chymorth iechyd galwedigaethol am ddim.
I wneud cais
Ewch i’n gwefan (www.ombwdsmon.cymru) i gael gafael ar y pecyn recriwtio.
Cyflwynwch eich Ffurflen Gais a’ch Ffurflen Monitro Cyfle Cyfartal drwy ebost at: recruitment@ombudsman.wales erbyn hanner dydd (12 pm) dydd Llun 22 Ebrill 2024. Rydym yn cadw’r hawl i gau’r cyfle hwn yn gynnar os daw digon o geisiadau i law, felly peidiwch ag oedi cyn cyflwyno eich cais.
Bydd yr ymatebion a roddwch yn y ffurflen gais yn cael eu defnyddio i lunio’r rhestr fer ar gyfer y rôl.
Mae’r Ombwdsmon Gwasanaethau Cyhoeddus yn Gyflogwr Cyfle Cyfartal.
Mae amrywiaeth a chynhwysiant yn ganolog i bopeth a wnawn. Rydym wedi ymrwymo’n weithredol i hyrwyddo a chymryd rhan mewn arferion da yn y ffordd rydym yn denu, yn recriwtio ac yn cadw staff.
Rydym yn annog pawb i ddod â nhw eu hunain yn llwyr i’r gwaith oherwydd ein bod yn gwerthfawrogi’r gwerth y mae gweithlu gwirioneddol amrywiol yn ei roi i sefydliad. Rydym yn dathlu gwahaniaeth, gan gydnabod y manteision a ddaw yn sgil hyn i’n diwylliant cynhwysol, gan gynnwys oed, anabledd, hunaniaeth o ran rhywedd a mynegiant, crefydd, hil, rhyw, cyfeiriadedd rhywiol a chefndir economaidd-gymdeithasol.